Прэзентацыя кніг Сяргея Чыгрына

У літаратурнай гасцёўні Слонімскай раённай бібліятэкі імя Я. Коласа” адбылася прэзентацыя кніг слонімскага пісьменніка, краязнаўцы, гісторыка, журналіста Сяргея Чыгрына “Літаратурная Слонімшчына” і “Гістарычная мазаіка Слонімшчыны”. Сяргей Мікалаевіч расказаў прысутным шмат цікавага з гісторыі роднага краю, пра майстроў пісьменства, чый лёс быў звязаны са Слонімшчынай. Успаміналі Кандрата Лейку, Валянціна Таўлая, Гальяша Леўчыка,  Алега Лойку. Прысутныя задавалі шмат пытанняў Сяргею Мікалаевічу па гісторыі і сучаснасці Слонімшчыны, на якія атрымлівалі ад яго змястоўныя адказы. Аўтар падзяліўся сваімі творчымі планамі і задумкамі.